Vurria essere  ‘na  fata

 cu  ‘o manto bianco e lilla

cu dinte  ‘e mmane mirte e rose

e  ‘a notte quanno tutte dormeno

 vurria vulà   addù  te

e cammennano zittu zittu

 senza scetà ‘e creature

e senza scetà ‘e nnammurate

vurria scennere a  mmare

e dinto a ogni cunchiglia ca truvarria

 vurria sentì  ‘o canto do mandulino

e dinto a ogni suspiro mille mille  poesie pe ‘ te

e cantanne cantanne m’addurmesse  cu  te 

amaca d’oro e d’argiento  ca te specchie

‘ ncoppa all’acqua

e felice  tu te scetasse  pe ‘ a figlia ca d’ammore è turnata.

 Napule ...passione calamita dinto ‘a vita

Ammore ca l’arcobaleno m’ ha purtato via

ma tu povero ammore da me traduto

ffa’ ca l’urdemo pensiero, l’urdemo suspiro

sarria dinto 'e braccia tuie.

E te chiedo perdono Napule

madre  musa canto d’ammore e  dulore

se  pe ‘ te aggie sempe cantato

ma cchiù  d’ arraggia ca gioia.

Pecchè  , pecchè songhe a figlia femmena ribelle, ca  si pure annascuse

t’ha sempe vulute  bene e tanto tanto me manchi.. terra mia

e inutilmente te  difendo…tornano ‘e lacreme

ma  sulo a sirena  ca se turmenta  pò sentì mentre chi te sta  accerenno

arrummane indifferente se ‘o sole murenno se ne va

 quanta passi persi ‘ncoppa a chella amata amara arsa  nera rena

vurria essere  'na fata pe ' putè turnà addù te ' o 'na stella pe'te

accarezzà ogni sera