Te vurria fa senti ‘o rummore

d’  ogni  passo cu  ‘a capa acalata

Te vurria fa vedè comme

l’aucielle s ‘annasconneno da  ‘o sole ca brucia

‘ncoppa ‘e specchie d’acqua pe’ timore

E comme  ‘a muntagna ca’ pe’  ammore

comme ‘na mamma chiagne sulo dinto ‘o core

E  ‘o mare…’o mare comme  ‘nu padre

ca stanco cu braccia acalate aspetta ‘a notte

pe’ scurdà ‘o sudore do juorne

Te vurria fa pruvà ‘a famme  e ‘a dignità

 d' ogni povero cristo ca stenta ‘a vita

E  ‘o core innocente de creature

ca nun sanno d’ajere e manco  d’ addimmane

Te vulesse ffa sentì ...ma tu nun vuò sentì

nemmeno  ‘ e stessi uocchie tenimme

Je a luna a veco  ‘nu piatto vacante

bianca cu ‘o culore da neve ca po’ more

Tu a vide d’oro chiena  d’abbundanza

e  avidità… fragole e mirti  a forma de  rubini

e de diamante  e allora… che vvuò capì 

tu nun può mai capì… nun tenimmo ‘ a stessa sete

  fame d’ ammore e umanità dinto all’ anema