È scuro… dormeno ‘e stelle

dinto ‘e braccia do cielo

mentre ‘a Luna pe’ gelusia

addeventa  ‘na curnice magenta

E je a guardo arreto a sta fenesta

e  nun dormo ‘nzieme a essa

mentre stu core è ‘nu turmiento

sbatte comme l’onne  ca se vestono

bianche comme ‘e spose

ma invece è sanghe… veleno dinto ‘e vene

pe’ addeventà lacreme

ca scenneno ‘nfonneno ‘a vocca

 ca se vase dicenno cu suspiro

sulo ‘o nomme tuie

Ma  dinto a sta passione

notte ca nun fernesce

nun ce sta viento

nun ce sta eco

ca arriva addu’ te

Dinto a stu silenzio

ca tu nun siente

‘nu core d’ammore more

‘nu pittore ca’ do dulore

straccia ‘a tela ca era sulo

cera mentre ‘a candela

abbagliava e cunsumava

dinto a stu silenzio

ca se sperde ‘ncoppa ‘e dune

arrummane ‘a voce mia

e 'na Luna scetata

ca s' accora nun trova culore

aurora rosa  ca fumo grigio  e rovo è addeventata

tulle abbruciato  spaseme ...cenere pe sempre