E t’aspettavo t’aspettavo

ma sulo dinto ‘  e suonne tu turnave

 surdato ‘ncatenato ‘ a 'na bandiera

maje  si turnato

Comme è amara ogni era

È guerra e nun è pace

‘o core aspetta e spera

giovane surdato

 ‘nammurato da vita e dall’ammore

ancora cchiù giovane ‘e Cristo

si muorte ‘ncroce

Ma tuorne ogni mumento

e  nun è pazzia nun è  fantasia

dinto a ‘nu fiore ‘n’ago ‘e pino

‘nu fiume ‘nu lago ‘nu mare

ca se eleva a Dio pe' nun guardà

‘a nfamità

Ma 'a voce tuie dinto a ‘nu tuono

vibra pe' sempe :

-Maje cchiu sanghe ‘ncoppa ‘e vie

Maje cchiù strazio…  voglio arrepusà ‘npace

Quanno tuccate l’acqua…  fonte ‘e vita

e quanno accarezzate ‘ na  primula

 speranza d’ammore abbandunate rancore

tenite Terra ca splende dinto ‘o firmamento

Nun  me facite  ardere comme ‘ nu pino '

dinto ' e juorne 'e  fuoco ca cu stiento   sentimento

‘e dulore  allarga radici

e se  ‘a curteccia se stacca truvate linfa

nun me facite addeventà  cenere ca pò

se stuta  ...songhe stato lacreme pe' vvuie

sacrificio dulore ... cuscienza ca palpita

songhe pace ammore e niente chhiù-

ero 'nu surdato 'na bolla 'e sapone

chimera cu' ' e culure  d'arcobaleno

e more  senza eternità

se vuie  nun 'e pittate