Quantu dulore

pe' na mullica 'e pane

ammore e rancore

'mpastato cu farina

'e sanghe e famme

Quante lacreme nere

dinto ' 'o  tuorto e dinto 'a ragione

'mpastate cu pece

addeventate credo e po' strade

pe' cammenà senza scarpe

e cu ' e mmane abbruciate da 'e calli

pe' arrivà addu' essa

ca comme 'n' altare dinto

' a 'na chiesa brama e spera

Libertà grano lievito ca cresce

d'ammore e dignità

quante nobili lettere

dinto 'a sta parola

quantu marmo ca gelato arrummane

vasate cu 'o fuoco do chianto de mamme

quanti pagine dinto 'e libri

 ca nun addeventano maje antichi

quanti suonne  bugie 'nfaccia a 'o sole

 viento c'arravoglia e po' more

 e quanta brina ca strina dinto 'a ogni tiempo

pe' te Libertà ca cu spaseme e strilli

doglie  dinto all'ore

libera Eva da ogni peccato

 credevi'e  nascere dinto a ogni essere

mentre  ancora chiagne dinto 'e  vie

 e vai cu' 'e mane protese  cerchi carità ammore e giustizia

 tra viento e spaseme vvuo' l' infinito 'ncoppa ' a Terra